2025-жылдын 20-февралында Борбордук Азия колледжинин администрациясынын демилгеси менен студенттердин Майлуу-Суу шаарынын аскердик комиссары, Кыргыз Республикасынын Куралдуу Күчтөрүнүн майору Осмонов Айтмамат Жапарович менен жолугушуусу болуп өттү. Жолугушууга 100дөн ашык студент-уландар жана 4 окутуучу катышты.
Аскердик комиссар Кыргыз Республикасынын армиясындагы заманбап кызмат шарттары, армияда бир жылдык кызмат өтөөнүн ишке орношуудагы артыкчылыктары, альтернативдүү кызмат өтөөнүн мүмкүнчүлүктөрү жана армияга чакыруудан бошотулуу негиздери тууралуу кенен маалымат берди.
Мындан тышкары, аскер кызматкерлерин социалдык камсыздандыруу, льготторду, турак жай жана өкмөт тарабынан көрсөтүлгөн башка колдоо чаралары талкууланды. Жолугушуунун аягында студенттер өздөрүн кызыктырган суроолорду беришти, аларга аскердик комиссар толук жана даана жоопторду кайтарды.
