2024-жылдын 11-октябрында Борбордук Азия колледжинде «Балдарды коргоо жана коопсуздук» аттуу темада тегерек стол өткөрүлдү. Иш-чарада Майлуу-Суу
шаардык укук коргоо органдарынын кызматкерлери катышып, жаш өспүрүмдөр
арасындагы укук бузуулар, кылмыштар жана коомдогу терс көрүнүштөр тууралуу сөз кылышты.
Тегерек столго Майлуу-Суу шаарынын Ички иштер бѳлүмүнүн Жаш өспүрүм балдар менен иштөө боюнча тескөөчүлөрү, миллициянын кенже лейтенанттары Маматов Адилет Максатбекович жана Маматов Абибилла Махамадалиевич катышышты. Тегерек столдун негизги темасы жаштардын катышуусунда жол эрежелерин бузуулардын натыйжасында жол кырсыктарынын өсүп жаткандыгы болду. Укук коргоо органдарынын кызматкерлери жаштарды коопсуздук, мыйзамдуулук жана жоопкерчилик боюнча маалыматтандырып, жол кырсыктарынын алдын алуу үчүн туура жүрүм-турумду калыптандыруу маанилүүлүгүн белгилешти.
Иш-чаранын жүрүшүндө катышуучулар актуалдуу маселелерди талкуулап, балдардын коопсуздугун камсыз кылуу, алардын укуктарын коргоо жана коомдогу жат көрүнүштөрдү алдын алуу үчүн ар тараптуу чараларды кабыл алуу зарылдыгы боюнча пикир алышышты.
