Борбордук Азия колледжинде 2025-жылдын 20-февралында “Мен кыргыздын жаранымын” ураанынын алдында “Эне тилим менин дилим” темасында 21-февраль- Бүткүл дүйнөлүк Эне тил күнүнө карата «Эне тил — улуттун байлыгы» аттуу темада студенттик-практикалык конференция өткөрүлдү.
Конференцияга Майлуу-Суу шаарынын ички иштер бөлүмүнүн кызматкери милициянын лейтенанты Жоробаева А.Р. ШИИБдин КККнынмаыомил.улук лейтенанты Тологон уулу Ш жана КККнын ЖЖЭИИ милициянын кенже лейтенанты А.М.Маматовдор катышышты. Конференцияда эне тилдин сакталуусун өнүктүрүү боюнча негизги маселелерди, тилдин улуттук иденттүүлүктөгү орду, тил саясатындагы көйгөйлөр жана аны чечүү жолдору жана кыргызстанда жашаган улуттардын ынтымагын бекемдөө, алардын эне тилин, маданиятын жайылтуу максатында “Чет тили” адистигинин 3-курсунун 31/32ИЯ тайпасынын студенттери тарабынан өзбек, кыргыз, орус, француз, казак ж.б тилдерде майрамдык куттуктоолор айтылып, видеороликтер даярдалып көрсөтүлдү.
Укук таануу адистигинин 11П тайпасынын студенти Орозалиева А. Каипова Д. 31/32ИЯ тайпасынын студенти Калдарова С. өз докладдарында улуттук тилдердин баалуулуктарын, үрп-адаттарын, каада-салттарын жана маданий, руханий мурастарын жайылтып, сактоо керек деген ойлорун билдиришти.
31/32ИЯ тайпасынын студенттери Мамасабирова К. Арстанова Б. Убайдуллаева А. Юлдашева Г. кыргызстанда жашаган бардык улуттардын улуулугун көрсөтүшүп, кыргыз, өзбек, казак, кытай орус элдеринин бийлерин бийлешти.
Эне тил — ар бир улуттун өзгөчөлүгүн, тарыхын, маданиятын жана келечектеги муундарга чексиз мүмкүнчүлүктөрдү түзүү үчүн жооптуу. Эне тилибизди сактап, урматтап, тилибиздин кадыр – баркын жогорку деңгээлге көтөрөлү”- деген ойлор менен конференция жыйынтыкталды.
