2025-жылдын 5-мартында Борбордук Азия колледжинин администрациясы жана студенттери Ак калпак күнүнө арналган майрамдык жөө жүрүшкө катышты. Иш-чарага ЦАКтын директору А.Т. Агабеков, Педагогика жана укук ПЦКсынын төрагасы З.К. Масиров, дене тарбия мугалими Б.Т. Карагулов, юридикалык дисциплиналар боюнча мугалим К.С. Мадиев, физикалык дисциплиналар боюнча мугалим К.И. Кучурбаев жана «Укук таануу» адистиги боюнча билим алып жаткан 1-2-курстун студенттери катышты. Мугалимдер жана студенттер кыргыз элинин тазалыгын, ар-намысын жана улуттук сыймыгын символдогон ак калпак кийип чыгышты. Жөө жүрүш «Ак-Марал» ресторанынан башталып, шаардык Маданият үйүнүн алдында жыйынтыкталды.
Иш-чаранын расмий бөлүгүндө Борбордук Азия колледжинин директору А.Т. Агабеков куттуктоо сөзүн сүйлөп, Ак калпактын кыргыз элинин улуттук маданиятындагы өзгөчө маанисин белгиледи. Ал Ак калпак жөн гана баш кийим эмес, кыргыз элинин тарыхый мурасын, сыймыгын жана патриоттук духун даңазалаган ыйык символ экенин баса белгиледи. Ошондой эле мындай иш-чаралар жаштардын улуттук аң-сезимин чыңдоого, салттарга жана маданиятка болгон урмат-сыйын арттырууга чоң өбөлгө түзөрүн айтты.
Жөө жүрүш жылуу жана майрамдык маанайда өтүп, бардык катышуучуларга унутулгус таасир калтырды.
