Кыргыз Республикасынын Билим берүү жана Илим министрилигинин 2025- жылдын 5- мартындагы «Кыргыз Республикасында Аталар күнүн жана Энелер күнүн белгилөө жөнүңдөгү» №245/1 буйругунун аткаруу максатында 2025- жылдын 14-мартында окуу жайдын чакан жыйндар залында тегерек стол өткөрүлдү. Тегерек столго конок катары Майлуу-суу шаарынын Аксакалдар кеңешинин мүчөлөрү жана Майлуу-Суу шаарынан баш имам хатиби Абсатар ажы чакырылды.
Аталардын үй-бүлөдөгү орду, алардын тарбиядагы мааниси жана жаштардын туура тарбиялануусундагы ролу болду. Ата — үй-бүлөнүн таянычы, жетектөөчү жетекчи, балдарга адеп-ахлактык баалуулуктарды үйрөтүүдө чоң мааниге ээ. Аталардын жүрүм-туруму, чечимдери жана тарбиясы жаштар үчүн үлгү болуп саналат, аларга жашоодо туура жолду көрсөтөт.
Иш-чаранын соңунда студенттер аталардын үй-бүлөдөгү ролу жана алардан алган тарбиянын жашоодо кандайча таасир этери тууралуу суроолорду беришти. Чакырылган коноктор ата-бала ортосундагы урмат-сый, атага болгон сүйүү жана анын кеңештерин баалоо — балдардын туура тарбиялануусунун негиздери экендигин баса белгилешти.
