2025-жылдын 07-ноябрында Борбордук Азия колледжинин студенттери менен Майлуу-Суу шаарынын Ден соолукту чыңдоо кабинетинин медайымы Артыкова Рахат Ырыскуловнанын жолугушуусу болуп өттү. Иш-чаранын жүрүшүндө ал студенттерге баңгизаттарды, тамекини, электрондук сигареттерди жана ден соолукка зыян келтирүүчү башка заттарды колдонуу менен байланышкан коркунучтар тууралуу түшүндүрүү-профилактикалык маалымат берди.
Жолугушууда психоактивдүү заттардын адамдын организминине тийгизген зыяндуу таасирлери, көз карандылык пайда болуу коркунучу, эрте кийлигишүүнүн мааниси жана ден соолукту коргоо боюнча практикалык сунуштар кеңири түшүндүрүлдү. Медайым студенттерди өз ден соолугуна көңүл бурууга, туура адаттарды калыптандырууга жана ден соолуктуу жашоо образын тандоого чакырды.
