Майлуу-Суу шаарынын прокуратурасынын демилгеси менен үч күндүк форум уюштурулуп, анын алкагында бир катар маанилүү иш-чаралар өткөрүлдү. Форум Майлуу-Суу шаарынын мэриясынын имаратында, Майлуу-Суу шаарынын сот бөлүмүндө жана шаардык ички иштер бөлүмдөрүндө улантылып, анда жаштарга коомдук турмушка, кесип тандоого жана адеп-ахлактык тарбияга байланышкан маанилүү ойлор айтылды.
Майлуу-Суу шаарынын мэри, прокурору жана ички иштер бөлүмүнүн башчысы жаштарга кайрылып, келечектеги кесипти туура тандоо зарылдыгын белгилешти. Ошондой эле жашоодо адеп-ахлактык тарбия жана чынчылдык биринчи орунда турушу керектигин баса белгилеп, өздөрүнүн тажрыйбасы менен бөлүшүштү. Ар бир адам тандаган кесибин сүймөйүнчө ийгиликке жетишпей тургандыгын да белгилеп кетишти. Иш-чарага Борбордук Азия колледжинин студенттери катышып, жолугушуунун соңунда алар берген суроолорго кеңири жана толук жооптор берилди.
